جتنا کلہا تھیندا وینداں
جتنا کلہا تھیندا وینداں
اتنا سوکھا تھیندا وینداں
کُئی تے میکوں چنگا لگدا
کیوں میں اینجھا تھیندا وینداں
تو جو اوپرا تھیندا ویندائیں
میں وی اوپرا تھیندا وینداں
سوہنڑیں دی ہے سوہنی صحبت
سوہنا سوہنا تھیندا وینداں
ہن میں اپنا آپ وی کائینی
ہن میں تیڈا تھیندا وینداں
ہیر دے وانگ ہے ملدی میکوں
میں وی رانجھا تھیندا وینداں
تیڈا سچ سنڑوا کے نجم
میں تے کوڑا تھیندا وینداں
نجیب اللہ نجم
Comments
Post a Comment