نہ تو کوڑیاں قسماں چاویں
نہ توں كوڑیاں قسماں چاویں
نہ اپݨا ایمان ونجاویں
رشتے داریاں اوکھیاں تھی گئین
پک نہ کہیں دے نال وٹاویں
عید تیں نویں كپڑے پئیساں
لیکن شرط اے ݙیکھݨ آویں
توں مقروض ہیں ما دھرتی دا
ما دھرتی دا قرض لہاویں
میں مسکین کوں روٹی ڈینداں
توں میڈی تصویر بݨاویں
منہ دے مٹھے دل دے کالے
لوکیں تو نہ دھوکہ کھاویں
نجم تیکوں آکھیا ہانمی
لیندا پئیں تاں توڑ نبھاویں
نجیب اللہ نجم
Comments
Post a Comment